Қазақстандық М.Абдильдин атындағы Республикалық Астротурнирінде жиналған командалар астрономиядан білімдерің көрсетіп, сайысқа түсті. Нәтижесінде Павлодарлық Катаев атындағы оқушылар сарайының атынан қатысқан құрама командасы Бас жүлдені жеңіп алды. Гимназиямыздың 9 сынып оқушысы Хасенов Аспандияр сол құрамада олжалы болды. Құттықтаймыз!

Мұғалімдер күні қарсаңында облыстық "Жыл мұғалімі-2021" конкурсының қорытындысы жарияланды. Конкурс ақпан-сәуір аралығында Павлодар облысының білім беру басқармасы мен Білім беруді дамытудың инновациялық орталығының ұйымдастыруымен өткізілді. 4 кезеңнен тұратын конкурсқа Павлодар облысының 28 ұстазы қатысты. Конкурс қорытындысы бойынша гимназиямыздың информатика пәнінің мұғалімі Эльмира Турагуловна І орынға ие болды.

ҚР халықтарының тілдер мерекесіне орай 6 сынып оқушыларымен «Жас полиглот» атты интеллектуалды сайыс өткізілді. Сайыстың барысында үш тілді қамтып, қойылған сұрақтарға толық және нақты жауап бере отырып, оқушылар өздерінің белсенділіктерін танытты. Шапшаңдық пен ой-өрісімізді дамыту мақсатында тілге байланысты жұмбақтар, мақал-мәтелдер, логикалық сұрақтар арқылы өткізілген ойындар оқушылардың қызығушылығын тудырды.

Learning another language is not only learning different words for the same things, but learning another way to think about things. Therefore, the book of words by Great Abai is taught in English language at our school, which helps students improve their soft skills and critical thinking. In addition, the battle “The book of words by Great Abai” was held on the 27th of September, students of 8th grade demonstrated their knowledge and the ability to express their thoughts in English . All partici

2021 жылғы 28 қыркүйекте республикалық «Ақберен» байқауының облыстық кезеңі онлайн режимде ZOOM платформасында өткізілді. «Эссе жазу» бағыты бойынша Жанибек Жансая 2 орынға, «Көркем сөз оқу» бағытында Каиржанова Аида, «Шешендік өнер» бағыты бойынша Ералиева Рауан, «Ақындар мүшәйрасында» Асанбай Жадыра 3 орынға ие болды. Жүлдегер оқушылар мен пән мұғалімдерін құттықтаймыз!

Гимназияда 2021 жылдың 25 қыркүйек күні 8 сынып оқушыларының ата-аналарымен "Мектептегі жасөспірімдердің физикалық және психикалық денсаулығын нығайту және деструктивті мінез-құлқының алдын алу бағдарламасы" тақырыбында ата-аналар жиналысы ұйымдастырылды. Жиналыста ата-аналарға жасөспірімдік шақтың ерекшеліктері, психикалық денсаулықтың маңызы жөнінде хабардар етілді.

Қазақстан халықының тілдер күнін мерекелеу аясында орыс тілі мен әдебиеті пәнінің мұғалімі Тулеубаева Кульжайнат Бекежановна 7 сынып оқушылары арасында "Фразеологиялық бірліктер әлемінде" байқауын ұйымдастырды. Оқушылар үш тілде фразеологиялық бірліктерді білу бойынша жарысқа түсті, әр тілдің фразеологиялық бірліктерінің баламаларының ерекшеліктерін түсіндірді.

Тілдер мерекесіне орай 5ә сыныбында "Тіл білгірлері" атты сайыс ұйымдастырылды. Бұл шарада тіл көркемділігіне мән беру, қойылған сұраққа нақты, толық жауап беру, тапсырмаларға үш тілде жауап бере алу мақсаты қойылған болатын. Балалар аса қызығушылықпен қатысқан қызықты, танымды сайыс болды. Ұйымдастырушы қазақ тілі мен әдебиеті пәні мұғалімі Нургалиева Дария Амантаевна

17-қыркүйек күні Павлодар облысы білім беру басқарма басшысының бастамасымен «Ертіс дарыны» өңірлік қосымша білім беру оқу-әдістемелік орталығы жаңа инновациялық жоба 8-11 сынып оқушыларына арналған облыстық гуманитарлық олимпиадасын өткізді. Олимпиаданың қорытындысы бойынша Каиржанова Аида - ІІ орын, Қожабергенов Думан - ІІІ орын, Қайрат Ләйлә - ІІІ орын, Қайырғалым Жансұлу - ІІІ орын иеленді.

ҚР тәуелсіздігінің 30 жылдығына орай "Тәуелсіздік жетістігі" республикалық сынып сағаттары ұйымдастырылды. Сынып сағатының қадірлі қонағы Ақсу қаласының құрметті азаматы, ҚР журналистері Одағының мүшесі, ардагер ұстаз Светлана Қабидоллақызы Қондыкерова. Светлана апай оқушылармен Тәуелсіздік жылдары қол жеткізген жетістіктерге ерекше тоқтала отырып, Ақсу қаласы атауының өзгеруі, "Ермак" ескерткішінің алыну тарихымен бөлісті.

"Бір ел - бір кітап", "30 жылдыққа - 30 кітап" республикалық акция шеңберінде гимназияның кітапханасында "Оқу майталмандары" атты дауыстап оқу сайысы өткізілді. Сайыскерлер мерейгер жазушылар Мұқағали Мақатаевтың өлеңдерін, Ыбырай Алтынсариннің прозалық шығармаларынан үзінділер оқыды. Сайысқа 5а, 5ә, 5б сынып оқушылары қатысып, дипломдар мен алғыс хаттарға ие болды.

9 қыркүйек күні "Баланың психикалық денсаулығын сақтау және нығайтудың жолдары" атты ата-аналар жиналысы қашықтықтан ұйымдастырылды. Мектеп психологы Н. Шаймарданова "психикалық денсаулық деген не, оған қалай күтім көрсете аламыз" деген сауалдар төңірегінде түсінік берді. Балалардың жас ерекшеліктері мен кездесетін қиындықтарына тоқталып, оның себебі мен салдарын, оны бірігіп шешу жолдарын түсіндіріп өтті.